venres, 25 de maio de 2012

Esquerda Unida do Grove propón unha normativa reguladora para levar a cabo acollementos civís no concello.

O acollemento civil é unha cerimonia de ámbito puramente civil, público e compatible con calquera outra cerimonia privada, relixiosa ou non, de acollemento e presentación de recén nacidos, na que os pais e padriños asumen o compromiso de velar pola educación do neno/a e defender os dereitos do menor.


Algo similar acontece, por exemplo, co matrimonio civil, un tipo de servizo que cada vez o veciño solicita máis. Por iso desde a nosa organización entendemos que no concello de O Grove a veciñanza non chega a reclamar este tipo de celebracións ben por descoñecemento ou por non existir ata o de agora unha normativa que ofreza esta posibilidade.

Desde hai anos gobernos de distintas cores veñen a realizar por distintos lugares de España esta cerimonia de recibimento institucional de recéns. En Galiza temos os exemplos de concellos como Oleiros e Marín cunha andaina de catro e tres anos respectivamente, e de cuxa normativa nos axudamos para redactar a nosa proposta.

Pola natureza laica da nosa organización e que vela por un estado verdadeiramente aconfesional, queremos que os nosos veciños teñan a posibilidade de celebrar estes actos simbólicos para que manifesten o seu compromiso para que os máis pequenos crezcan como cidadáns libres e iguais en dereitos e deberes.


ver/descargar moción

Ningún comentario:

Publicar un comentario